A cham reng si

Phuahtu: J Lalthlengliana (Tete-a)

Satu: J Lalthlengliana (Tete-a) 

Ka thinlai kamtu lengi,

Tihian biahthu ka hlan a;

"Zaleng hei zawng zingah hian,

Ka duhaisam ber i ni,

Zaleng dang sirah hnawlin, 

Kawp zai i rel dun ang hmiang,"

Tiin dia'n ka sawm a, ti hian min lo chhang a.

I dawn lungruk tak tak min hrilh em le?

Zan mu reng chhin a har ngei, lung lam ka vai;

Thinlaia'n a cham reng si, i anka nem.

I chhingmit ka thlir chang hian,

Ka ngaina zual thin che a;

Biahder min hlan tura'n chuan,

Ka ring phal si lo che a.

Kei riang lung mawl ve mai hi,

Min lo bawl mai ni nge;

I fiamthu anka mai hi,

Ka lo ngai tak mai zawk.

Tihian keipawn ka chhang a,

"Ka hmangaih em che a sin;

Ka thinlai rukah hianin,

Ka vei reng thin che a sin,

Derin ka bawl lo che a,

Ka fiamthu hek lo," tiin.