He lei hringnun ve hi zawng

Phuahtu: Ngurthangvela

Satu: Ngurthangvela, Mighty M Jr., Mangheta Chinzah

He lei hringnun ve hi zawng,

Lungngaih inthenna ram hi;

Kan lungduh lenrual zawng ten,

Fam rihsan gmual min liamsan ta,

An sulhnu leh hlimlai ni,

Thinlaia'n a cham reng e;

Nghilh thei reng hian ka mawi lo,

Kan ngaih lungduh zawngte.

Khawiah chuan tuan tak che'u maw?

Famngaih vanga riangte hi;

Lungrualna tlang mawi chungah,

Lungduh kan kim leh ang em?

Kan chunnu leh zuapa ten,

Fam rihsang mual an liam zo ;

Fam khawpui tual atangin, 

Min rawn thlir ve tak ang maw e;

An ngaihlai hrai duhte hi,

Min ngai ve tak ang maw aw;

An lenna ram atangin,

Hringnun rawn thlir ve tak ang maw.

Khawtlang lunglen leh fam ngaih,

Kianni awm hian ka ring lo;

Tah ruai ruai mai ka nuam e,

Chhungkim tea lenlai ngaiin,

Hawivelin vau tuahpui par,

An vul chiai e kumtinin;

Kan hringnun ve mai hi zawng,

Rei lo tea'n kan chuai leh thin.