Samari mitha (Jubilee Lalmalsawma phuah)

Phuahtu: Jubilee Lalmalsawma

Satu: Saikawt Branch KTP

Khawvel ropuina leh nawmsaknate,

Umin ka hringnun ka hman mek lai hian;

Chhandamna thu hi hre lote hnenah,

Hmangaihtu Isuan puang chhuak rawh min ti.

I thawh loh vangin tam tak an ral mek,

Hruaitu nei lovin puitu an va ngai em;

Haiderin muangte'n i la thu ang maw?

An thisen mawh chu i phur ngam dawn em?

Dak la, thlir vel teh, tlanna hre lovin,

Chatuan boralna kawng an zawh mek e;

Suamhmangte tawkin puitu an ngai e,

Samari mi tha, khawnge i awm le?

Tunge ka tirh ang? Tunge kal ang le?

Thisena ka tlan, ka nghak che asin;

Pumpelh kawng zawha i tlan dawn ai chuan,

Khenbeh nawn turin ka kal leh mai ang.

Tupawh nun hum chuan a chan dawn si a,

Krista avanga chante'n an hum ang;

Mittui nen buh chi feh chhuah pui mah se,

Hlim takin Lalpan a lo hmuak dawn si.

Kei mi tling lo ber min thlangchhuak mai hi,

Mawina reng nei lo thuam famkim min belin,

Khawngaihna chauh hi ka chhuan ber ni se,

Ka damna kraws thu ka hril zel zawk ang.