Min zirtir ang che

Phuahtu: Chhantea Ralte

Satu: Rebecca Fanai

Hringmi duhsaisam zawng nei dawn ila,

Isu, i hnena ata kan vak bo awm si a;

Kan dil leh ngen zawng nei thei dawn ni ila,

Duham, chaponain kan khat ngei ang.

A tawktea ro min rel sakah hian,

Lungawi dan min zirtir ang che;

Lungngaih leh tahram ruam a lo thlen pawhin,

Lungawi dan min zirtir ang che.

Ngui leh chauh chang nite nei lo ila,

Isu, i hnen lam kan lo hawi ngai awm si lo;

Natna leh hrehawmna kan tawrh zawngte hi,

I lam min hnaih tirtu an lo ni zawk si.

Beidawnna ruamah pawh beiseina min pe,

Harsatna ruamah pawh lungawi dan min zirtir;

"Ka vui lo Lalpa," ti thintute nun chu,

Hmu fiah thei turin min siam zawk si.