Ngaihlai an zual leh si thin

Phuahtu: Pu Hruaia

Satu: H Lalrempuia

Tlang tin bawm thal romei a zam riai e,

Lentupui thing tin hnahhring chawrno;

Vankhuai par tlan leh phengpheleng,

Min ngaihzual tir nun hlui zamual liam hnu.

Ka tuara'n a na chuang em ni suihlunglen hi?

Chhungkimte'n nau ang kan nuihna run in nuam;

Lungduh lenrual nen hlimte'n kan lenna vangkhawpui,

Ka dawn changin luaithli ka nul leh thin.

Thlang lenkawl a her liam e, chung tur ni,

Tlaikhua ngui leh sirva riahrun bel;

Chhaktiang kawla chung chhawrthlapui,

Nun hlui ngaiin suihlung a leng vawng vawng.

Suihlungruala ram tuan rel pui zawngte,

Perhkhuang chawia zai vawr pui zawng nen;

Zirpui lungduh lenrual zawngte,

Kan lenna tlang leh mual a dang zo ta.