Kan kut ngeiin

Phuahtu: J Lalthlengliana (Tete-a)

Satu: J Lalthlengliana (Tete-a)

Chhinlung chhuak Zofate, tho r'u, kawl a eng tan ta,

Thlangtianga'n Varparh Arsi a liam mek e;

Mual kil phak lo chhungtin leh duhsaktu van ruai thin te,

Lo tho r'u, kan thawhrah seng a hun ta e.

Zoram khawvar hun nghak a beisei thintute u,

In beiseina a eng zual, ni a chhuak ta;

Sawisel, diriam, dona karah hlemhletna um bo turin,

Chhel takin i pen zel ang, hmatiang sawnin.

Chin dan thin tha lo leh kal dan phung dik lo ten,

Kan ramah hmasawnna kawng a dip dal thin;

Hmasawn thlen phak lohna hmun, kil, kawlvalenchham thlengin,

Kal zel ang, kan thawm thangva a fawn vel e.

Zoram khawvar hun nghak a beisei thintute u,

In beiseina a eng zual, ni a chhuak ta;

Sawisel, diriam, dona karah hlemhletna um bo turin,

Chhel takin i pen zel ang, hmatiang sawnin.

Kan buhphal kengin hnehna hla kan sa ang,

Lungrualin chhak, thlang, chhim, hmara Zofa ten;

Kan thawhrah chu kan seng ang, ram intodelh ni turin,

Kan thawk ang, kan thar chhuak ang, kan kut ngeiin.

Zoram khawvar hun nghak a beisei thintute u,

In beiseina a eng zual, ni a chhuak ta;

Sawisel, diriam, dona karah hlemhletna um bo turin,

Chhel takin i pen zel ang, hmatiang sawnin.

Kan buhphal kengin hnehna hla kan sa ang,

Lungrualin chhak, thlang, chhim, hmara Zofa ten;

Kan thawhrah chu kan seng ang, ram intodelh ni turin,

Kan thawk ang, kan thar chhuak ang, kan kut ngeiin.

Kan thawhrah chu kan seng ang, ram intodelh ni turin,

Kan thawk ang, kan thar chhuak ang, kan kut ngeiin.