Nuimawite

Phuahtu: Joseph Fanai

Satu: Joseph Fanai feat Tetea J&J (J Lalthlengliana)

Tinkim ka dawn thin thinlai rukaha,

Nang chauh hi i ni thinlung luahtu;

Hrehawmna a lo thlen chang niten,

Nang vangin hlimten tuar zel nang e.

Lungphang lo la, ka di nuimawite,

I tan engkim ka hlan tawh che;

Karah hmelma lo hrang mah se,

Vawng dun zel ang aw, rinawmna.

I sakhmel mawi thlir nin a har ngei e,

Tiang em a thinlai luah zotu hi;

Tawng leh hian kei zawng ka inring lo,

Rinawmten i leng dun zel ang aw.

Hun leh ni kumte lo her liam mah se,

Rinawmna biahthu kan tiam zawngte,

Thinlaia'n i vawng dun zel zawk ila,

Chutin runhmun kan len dun ve nan.