Parlai a tliak (Lilypari phuah)

Phuahtu: Lilypari

Satu: K Lalthlamuankimi

Kan tuarah vanpui a lo chim,

Tuai duhleng parlai a tliak e;

Duhtea kan lawmlai val nunnema,

Rangkham senvungah fam chang ta, awi!

A par mawi amte'n kan lawm hman lo,

Ngaihlai dawntuai enchim loh Sangtea'n;

Sarah dairial min chan san ta maw!

Khuatin tlangtin thlir vel ila,

A bawm kai chiai sik daifimin;

Pholeng, nihawi par an vul hluan e,

Vul ve lo ngaihlai ka nau dawntuaite.

Zing zin khuatin fan chang niin,

Chhingmit chuangkim lunglen zualtu;

Min ngaihtir e famchang tawh hnu kha,

Chhingmittui a far bang thei nem maw.