Hmangaihtu Lal kiangah

Phuahtu: Evan. JH Lalhminghlua

Satu: Vanlalsiampuii

Lei hrehawm ram atang hianin,

Ka dawn thin a, ka Lal lenna;

Aw, chu hmun mawlh chuan lung lai min kham,

A ngai reng reng hian ka riang hluan e.

Aw, chu hmun nuam ka thlen hun chuan,

Beramno hmel eng velah chuan;

Lawmna chul lo kan chang tawh ang,

Hmangaihtu Lal kiangah hlim takin kan chawl ang.

Tiang reng renga ka suihlunglen,

A na em mai ka Lal Lunghnem;

Aw, khawnge maw suihlung ka rualpui,

Min hnem tur hian, aw, ka ngai em mai.

Ka thlarau thlawkin han chuan la,

Chhandamtu lenna Zion ram;

Ka ngaih Zion Lal biahthu hlan la,

Fam ngai zun phur iang ka riang hne hne.

Zion ram nuam ka thlen hun chuan, 

Ka suihlung len a kiang ngei ang;

Lawmna ban dinglam invuan chungin,

Hallelui nawnin ka au ngei ang.

Hmangaihna ram Zion-ah chuan

Lal zun ngai leh fam zun ngai te;

Hmangaih Lalpa'n min lo kuangkuah ang,

Ka ngaih Zion khawpui muang tein ka chuan ang.