Suangtuahna

Phuahtu: Vankhama

Satu: Vanlalruati

Chhawrthlapui eng thangvan lam han thlirin,

Kimten suihlunglen a tho leh thin;

Hmanah Lalngovi nena'n sam par ang,

Nemten sakruang kan pawm e.

Aw, tawnmangah tal buan ang, kanin pawm leh lo'ng maw?

Lenna tlang te hi dang rih mah se;

I rau, i thla mu angin lo leng la,

Di ngaih chham ang zalna runah ngei,

I sakhmel hmuh loh nan khua a sei em e, Parte,

Tawnmang mawlah tal i rau i thla,

Aw, vawi khat tal i sakhmel mawi par ang,

Lawm ka nuam i zungleng ngai Valan.

Aw, thlir leh ila a lang vansangah,

Ngaiten chung siar an lang

Ka thlirpui Lalngo a tel lo tunah,

Aw, khawiah thlir ve maw min hnemtu.

Ka ngaih vang em ni kei zawng thinlaiah,

A nem lo kan lenna kar hla nen;

Mahse, tawn leh ni tur ka dawn changin,

Zo chhum ang zing hi a kiang leh thin.

Hmana biahthu tiam hrui ang vuan zelin,

Laikhumah kei chu ka zal ta'ng e;

Tawnmangah Parte, runhmunah lengin,

Nau ang i nui dun ang aw, mang tha.