Thahniang

Phuahtu: H Lalramfawna

Satu: H Lalthakima

Turnipui eng leh tlai tla lenkawl han thlir chu,

Dawn changin lung a leng nun hlui zamual liam hnu;

Kohkir theih chang si loh kan hlimlai ni zawngte,

Nang ngaih vang hian chhingmit hawk tui ang luangliam e.

Tawnmang mawla'n dar ang ka tawng thin che, Thahniang,

Biahthu nem min hlan, "Ka ngai vawng vawng che," tiin;

Sakhmel chuai lo thaval lunglai dumtu Bawihpui,

Rihsang mual liam mai tur atan ka phal lo che.

Chhun khawhar leh ar ang vaih nun ram hman reng zawng,

Thinlai thliah hnu chhawl ang ka uai thin e, Thahniang;

Thlafam liamna famrolungmual fan chang ni hian,

Hlimthla thlirin tuar har luaithli ka nul leh thin.

Kumsul liamin tuahpui leh vau an vul chiai e,

Kan hlim ni leh lawmlai a herchhuah pui si lo;

Senlai nau ang duhte'n kan hlimpui thin zawng kha,

Ka tan tah khua tiseitu mai maw lo ni e.

Khuathal rengchal kiu vawng vawng maw hnahnem karan,

Vah tlai thlifim leh romei zun zam chiai mah se;

Kan nun hlui mau rua iang a tuaithar hlei lo'ng e,

Luah rem loh di tawn chu thinlaina a dam thei lo.