Ka ring che

Phuahtu: Laldinsangi

Thluk siamtu: Laldinsangi & Jerome Hauzel

Satu: Laldinsangi

Ka dil bak malsawmna min pe,

Ka dil loh harsatnate nen;

Ka hringnun zin kawngte ka chhui kir a,

Harsatna ka tawh ten a hliah zo lo, i hmel mawi.

Lalpa, tuin nge i rilru hria le?

I remruat ropui leh ril zia, tunge hre thei ang?

Lalpa, tuin nge i rilru hria le?

Hrilhfiahna ka dil lo, 

Lalpa, fak che ka thulh dawn chuang lo.

Khawdur leh ni eng karah pawh,

I thatna a danglam chuang lo;

Engkim tan hian hun ruat a awm si a,

Min hmangaihtu Isu, i rel sual ngai lo ve.

Kan tawrh zawh loh harsatnate,

Kan tawk ngai ngai lo, Lalpa, ka hria;

Ka dilna i ngaithla, ka ring che,

Min hmangaihtu Isu, i rel sual ngai lo ve.

Ka chungah engpawh thleng se, i ropui nan,

Hriatthiam phak rual tuifawn dai thin mah ila,

Hrilhfiahna ka dil lo, 

Lalpa, fak che ka thulh dawn chuang lo.