Lalpa rinchhantu

Phuahtu: Vanneihtluanga

Satu: Various Artist Chanmari Branch KTP

Ngai teh, lei mi thawmte chu i hria em?

Mahni chakna ring khawvel pawmtute;

Thei leh tling inti engmah dang ngai lo,

Lei ropuina thlahlel leh rinchhante chu.

An ropuina puan ang a chul thuai dawn,

Ram tuk tin par iangin a ral mai dawn;

Leiah ro sum tinreng an khawlkhawmte,

Puan ang an chul, an tuaithar leh dawn si lo.

Lalpa rinchhantu mi fel te chu,

Lei ropuina ten a tibuai ve lo;

Lei nun ngai lo vin tual an leng e,

An nun hlimna thuin a hril zo lo,

An lawmna thuruk an hril seng lo.

Lalpa, lei ropuina ka dil lo che,

Tangka ro sum tam tak ka dil lo che;

Nangmah pawl thei turin kei min siam la,

Ka nunna hi i ropui nan hmang ang che.

Hun leh kumte lo inher liam zelin,

Kum sang tam pawh lo her liam zel mah se;

A chuai ve chuang dawn lo ka Lalpa chu,

Chatuan atan a ropui zual zel dawn si.