Mamte

Phuahtu: Manuni

Satu: Rohlupuii (No-i)

Mamte, mim ang i lo piang a,

Kan lung i dum zo ngei e;

Mah se, kan ta i lo ni lo,

Van Lal fa chuam maw lo ni che,

Theih se, khuanu malsawmnain,

Lo sei lian zel la,

Bawihte, kan va duat dawn che em.

Fam tura'n kan phal lo che,

I tel lo va hringnun hman kan zuam lul lo;

An sawi pialralah chuan maw,

Lei mi an awm ve em? Min han hrilh la,

Tahchuan nilen kan nuam ngei e.

Tlaini kawlah a liam dawn hi,

Hawn zai i rel si lo maw?

Zankhua a rei, a sei mang e,

Hlimthla sulhnu chauh kan chan tawk,

Mittui dan rual loh lo luangin,

Kan sawi nawn leh thin,

'Thlafam dairial i chang' tih hi.

Mamte, i dam theih nan tiin,

I tan vawi tam kan tawngtai;

Hringmi thiamna leh finna te'n,

I tan damna an thlen zo lo,

Mah se, Pa remruat dan lo ni,

A bul leh tawp chu,

Bawihte, tunah chuan i dam ta e.

Awihlai han then chu,

Tuar zo awm ang maw?

Van hnuaiah hian...

I zuapa tap e, i chunnu a tliak,

Kan hnem thiam lo, luaithli kan nul;

Kan zawng ruai thin che tawn leh chakin,

Fam tura'n kan phal lo che...