Nangin min hria

Phuahtu: Samuel Laldinngheta Ralte

Satu: Mizoram Synod Choir (2024 - 2026)

Ka hringnun hi ka dawn thin a,

Tunge maw ka nih a, 

Engkim Siamtu ropui ber chuan,

Min hriatreng thin le,

Van zau tak leh khawvel zawnga, 

Thuneitu mah ni la.

Nangin min hria (Nangin min hria), 

Thim zinga ka awmin i hnai reng e,

I ta ka ni (I ta ka ni), 

Tawmkailo berte pawh ka fa min ti (Aw, ka fa min ti),

Nangin min hria, (Aw Isu) nangin min hria.

Ka sualna zawng hmutu mit chuan,

Hmangaihin min thlir a,

Ka lei bawlhhlawha fakna hi,

Nangin rimtuiah i pawm a,

Fak tlak Pathian faktu tling lo,

Kei i chhiahhlawh hi.

Nangin min hria (Nangin min hria), 

Thim zinga ka awmin i hnai reng e,

I ta ka ni (I ta ka ni), 

Tawmkailo berte pawh ka fa min ti (Aw, ka fa min ti),

Nangin min hria, (Aw Isu) nangin min hria.

Ka mawi nan leh ka hlawk nan chauh,

Hmaikawr vuahin i rawng ka bawl,

Nang erawh chu (Aw Isu, nang chu),

Kraws-ah ka tan i mualpho a,

Hrehawm tinreng chu tuar zo vin,

Kraws ler atangin.

Nangin min hria (Nangin min hria), 

Thim zinga ka awmin i hnai reng e,

Nangin min hria (Nangin min hria), 

Thim zinga ka awmin i hnai reng e,

I ta ka ni (I ta ka ni),

Tawmkailo berte pawh ka fa min ti (Aw, ka fa min ti),

Nangin min hria, (Aw Isu) nangin min hria.

Tiauchhum ang ral mai tur,

Ka nunna hi nangin min hria.