Rawngbawl tura chhandam

Phuahtu: RJ Lalnunpuia

Satu: BCM Lawngtlai East Pastor Bial Zaipawl (2023 - 2025)

Hmangaihna vang pawh nise a mak ka ti!

Anchhedawng boral mai tur min tlanna hi;

Mi sual nung tlak lo min chhandama, aw, a ropui e,

Hmangaihna mak tak a lo ni e,

Lei leh van Lal ber kraws a tuar hi,

Aw, a thukin a va sang em!

Hmangaihna vanga min zawng chhuak a,

Chatuan atana nunna kan neih theih nan;

Amah ngei chu kraws lerah tuarin,

Kan tan malsawmna a lo ni si,

Keini pawhin a hniak hnung zui vein,

Midang tan malsawmna ni turin,

An hmuhsitnate chu phur zelin,

Daipawnah i kal chhuak ang u,

Rawngbawl tura chhandam kan ni tawh si.

A nungte chu keimahni tan nung tawh lo va,

Kan thih ai krawsa thia tho leh atan;

Chatuan atan kan nun tawh zawk nan chhandam kan ni si,

Hmangaihna a thlawna kan chan hi,

A thlawn veka pe tur kan ni e,

I kal ang u, thawk thuai ang u.

Hei hi ka duh ber Lalpa, ka theihna leh,

Nunna zawng ka hlan a che, i hman atan;

I tana nung turin min pui la, min hmang ve ta che,

Ka tana i tuarna zawng zawngte,

Tawmpui ve turin min pui ang che,

Min tiharh leh ang che , Lalpa.