Chhiahhlawh hna dilna

Phuahtu: Lalnunpuia Hrahsel

Satu: Christina Vanlalnghaki

Sitawmin tlin lovin, tlak lo mah ila,

Keimaha a tha ber hlan che ka nuam;

Ka lungkham ber chu i ni, Lalpa,

I bawih pakhat ni turin min siam ve rawh.

Aw..aw..aw..aw..

Ka ngaihsan ber, ka ngaihhlut ber i ni,

I chanchin hi ka tuipui ve si a;

Min khawngaih la, i chhiahhlawhah min siam ve rawh,

Ka thinlung hian a chak ve em a ni.

Rahabi nawhchizuar i iai lo ti raw?

Jabeza pawh ramri i zauh sak kha;

Min hmanna awm tawk chu i hria ang,

He taksa hi i rawngbawl nan min hmang ve rawh.

Ka ngaihsan ber, ka ngaihhlut ber i ni,

I chanchin hi ka tuipui ve si a;

Min khawngaih la, i chhiahhlawhah min siam ve rawh,

Ka thinlung hian a chak ve em a ni.

Saltang mek an tam, tanpui ngai rum ri nen,

An tan rah tam tak chhuah ka nuam ve e;

I khawngaihna hianin min hneh em a,

Sawi loh atan chuan ka ui ve em a ni.