Kan leng del del tawh ang

Phuahtu: Lalthuthlungropuia

Satu: Dinthar Bial PYD Zaipawl (2021 - 2024)

Fakna ri chawimawina ri zam velah khian kan leng ang a,

Chawimawina hla thar kan sa rual tawh ang a,

Chatuanin chatuanin hlimin kan leng del del tawh ang.

Lei hun leh nite a liam zel a, 

Lalpa hun ruat chu a lo thleng dawn ta e;

Rorelna ni ropui chu a lo thleng dawn ta,

Chhandamte kan zalenna thu,

Inpeih lohte pawh inpeih a hun ta a ni.

Fakna ri chawimawina ri zam velah khian kan leng ang a,

Chawimawina hla thar kan sa rual tawh ang a;

Chatuanin chatuanin hlimin kan leng del del tawh ang.

Van Jerusalem thar khawpui mawi chu,

Lal thuthlung fate tana ram a buatsaih a ni;

Hmuhsit, sawichhiatna leh endawng, elrelna,

A hming vanga tuar zawngte chu,

Beramno hliam hnu kha fakin kan la leng ang a.

Beramno ram Zion ram thianghlim,

Angel varte leh serafimte tual an chaina;

Rangkachak khawpui mawi,

Lung man tam laitual nuamah chuanin,

Kan len za hun chuan chatuanin hlimin,

Lal Nunnema kan awi tawh ang.