Min chelh reng dawn

Phuahtu: Lalrinchhana

Satu: Ramhlun Vengthar Pastor Bial Zaipawl (2025 - 2026)

Lungngaih, mangan, buaina a lo thlen hian,

Hma lam pana nun kawng zawh har ka ti;

Ka ngai che Lalpa, ka ngai em che,

Ka hma hruaiin min chelh reng rawh aw.

Engma'n min dang lo'ng i rawngbawl hi,

Eng dinhmunah pawh ding mah ila;

Ka banah kaiin min chelh reng dawn ka hria,

Lalpa, ka fak zel ang che.

Harsatna chhumpuite lo zing hi,

I hmel min hmuh fiah tirtu an lo ni;

Heng zawng zawng hi tuar lo ila chuan,

Hlat chein ka peng bo fo thin ang.

Ka nun vuiliama famkhua ka lawi hun chuan,

Ka Pa hnenah ka chanchin ka hrilh ang;

Ani'n min kuangkuahin ka mittui hi,

Chatuan atan a hru hul tawh ang.