Hlimin i leng ang

Phuahtu: Paul

Satu: Angela Malsawmpari

Kan lenna, kan tuanna tlang a dang thin a,

Biahthu di leh i zunzam ngaiin val dawn a sei;

Tur ni sensiar tlai ni nem diaiah,

Zai ka chawi perhkhuang nen,

Thlawkin van sanga chhawrthla anga engin,

Chung tianga chung mu iang thlazara thlawkin,

Chho ilang thangvan sangah chawnban vuanin hlimin i leng ang.

Ka di, ka ngai che tin ka thaite,

Kan run i kai lai leh ka tang i bei laite,

Thinlai lunglai a kam, kar hlaa i zun ngai thaval

Hla thu thai atangin ngaihbel a duh,

Thadang, an hel thin che di, val tam takin,

Mahse, hria la, thla pawh an hel thin alawm,

Van sanga arsi rinawm takin innghak tawnin tiin,

Zunzam a na thin mi zawl leh der tawh,

Vur anga ka tana lasi.

Zai hla remin ti hian inhnem ka tum thin,

Ngaihbanglovi ngaiin zan tin ka kun si;

Kaina mual tin thuam peng ka hne ta fu ni,

Aw, tlai khua thinlung nang ngaih a intan leh ta tho si.

Kan lenna, kan tuanna tlang a dang thin a,

Biahthu di leh i zunzam ngaiin val dawn a sei;

Tur ni sensiar tlai ni nem diaiah,

Zai ka chawi perhkhuang nen,

Thlawkin van sanga chhawrthla anga engin,

Chung tianga chung mu iang thlazara thlawkin,

Chho ilang thangvan sangah chawnban vuanin hlimin i leng ang.

Bawihte, ka nghakhlel, nang nena run rem a,

Hlim tin lawr a sin intawm a, fate nu,

Tur atan ka thlang che hmelma te lo hrang mahse,

Thihna pawn min then mahse

Hmangaihna nung thinlung a eng chhung chuan,

Ka tan zawng tu rual mah ka awt ngai lo ang,

Ka lung a awi, kumtluang atan ka tlang tawh che,

Eng nge maw i buai a, duhtak, thalenga i duaina a awm lo,

I hmel pawh a tuai pangngai ang reng hle chuan ka hria.

Zai rimawi, aw, kan run in chhungah,

A tu dang darkhuang leh darbu kan ngai lo,

Tudang hlimin i leng ang,

Peng ngha seng ang a leng lo leng dang tumah,

Duhlai tha mengmawi ka tan i mawi, lungmawi kan runah.

Kan lenna, kan tuanna tlang a dang thin a,

Biahthu di leh i zunzam ngaiin val dawn a sei;

Tur ni sensiar tlai ni nem diaiah,

Zai ka chawi perhkhuang nen,

Thlawkin van sanga chhawrthla anga engin,

Chung tianga chung mu iang thlazara thlawkin,

Chho ilang thangvan sangah chawnban vuanin hlimin i leng ang.

Kan lenna, kan tuanna tlang a dang thin a,

Biahthu di leh i zunzam ngaiin val dawn a sei;

Tur ni sensiar tlai ni nem diaiah,

Zai ka chawi perhkhuang nen,

Thlawkin van sanga chhawrthla anga engin,

Chung tianga chung mu iang thlazara thlawkin,

Chho ilang thangvan sangah chawnban vuanin hlimin i leng ang.