Ka beisei chhan

Phuahtu: Benjamin Pazawna

Satu: Mizoram Synod Choir (2024 - 2026)

 Ka dàwnin lunglai a phâng țhin lei hringnun kawng chhuk- chho,

Lungkham lúat vangin maw ka buai leh țhín;

Engtin nge? Engtik nge? Khawiah nge? Engvang nge?

Ka hre lo, ka thiam lo, a ngaihna ka hre lo ve.

Engkim mai a lo reh a, engkim mai hi a tâwpin,

Ka theihna leh thiamnaten a tlin lohvin;

Tlai lama ni a tlâk a, chakna ber a lo chauhvin,

Lalpa, nang chauh hi i ni ka beisei chhan.

He lei hringnun kawng khawharah kal ngaihna hre lovin,

Lungngai leh mangangin ka lo rûm a;

Mahse, Chhandamtu aw zaidamin a lo thleng,

Ka thla mûangin a chawl, ka hah zawng a lo dam ta!

Ka beisei, ka rinchhan ber leh ka nun hruaitu i ni,

I kiangah engah nge ka hlauh vang le;

Ka Tlantu, Chhandamtu, Thlamuantu leh Vêngtu,

Min kalsan dawn si lo, a hnai reng ka beisei chhan.