Ka hero

Phuahtu: Siamsiami Chawngthu

Thluk siamtu: Rpa Ralte

Satu: Zirtluangpuii

I chhingmit meng mawi, i nui ri mawi,

Aw, thinlai a luah zo ngei e,

Hmangaihna rinawm min hlan tawh si maw,

Bana kaiin tu dang ngai lovin,

Hlimten lenlai chen dun zel ang aw.

I tang belin hmangaihna sawifiah dawn ila,

I sakruang leh i kimtlangten an hrilhfiah zo ngei e;

Ka tana khuanu ruat i ni, ka enchim loh, 

Ka ngaih ban loh, ka valentine.

Bawrhsawm ni a lo thlen chang pawhin,

Nang ka kiangah i awm reng;

Ka lungngaih min tawmpui thintu,

Ban zai ka rel lo'ng che,

Kan tan ka lei vantirhkoh i ni.

Engkima ka engkim, ka hlimna thadang,

I kiangah chuan ka khawvel a kim;

Ka neih rohlu zawng ai pawn i hlu,

Ti hian ka hlan nawn leh nang che,

Khawvel tifamkimtu 'ka Hero'.