Ka nu kur diam diam

Phuahtu: Manase H Saphmingthanga

Satu: Esther Lalrinhlui Ralte

Ka dawn kira hmana kan nun, aw, ka ngai, ka ngai vawng vawng,

Nan nena kan hlim ni leh hunte lairila'n a cham reng si;

Chak lo leh hlaua ka awm nite khan e, ka him leh thlamuanna i ni,

Muangte'n i tangah beiin chhun ni zan ka hmangral thin.

Hmangaih Lalpa, ka ngen a che,

A ngaia tah khua sei ka chun nunnemi kha;

Vawi khat tal tawn leh ni herin,

Hmangaih awm nghenga biahthu hlan ka va duh em.

Hlim ni, lawm ni tawn chang nite hian,

Mahriaktea ka dawnin lungrilah;

Lawm a kim lo, nang tel lo chuan,

Theih chang se nau ang nui dun i la.

Nang lo chuan chakna reng ka nei si lo,

Ka do zo lo buaina ral lian;

Engtin nge ni ang? Ka van ruai e,

Ka himna kulhpui, ka ngai a che.

Rihsang kaiin pialral ram nuam thleng mah la,

Min nghilh bik suh aw, rairah riang hi;

Riltam, tuihala ka awm nite hian,

Ka ngai zual thin, i par zu thlum, 'ka nu, kur diam diam'.