Ka hlan ngam si lo

Phuahtu: Kima Chhangte

Satu: Kima Chhangte

Suihlung a leng mang e nang ngaih vang hian,

Chhingkhual ka rawn chang in vangkhuaa'n;

Biahthu di hlan ngam si lo che hian e,

Hun leh ni liam zel e, nang ngai reng hian.

Enga'n nang kher ka lo tawn che?

Suihlung ti leng ti zual tura'n maw,

Laikhum zalin ka dawn thin che,

I sakruang mawina leh hlimthla,

Dawn ve thin che maw, kei ariang vala hi?

Tlai ni kawl eng tla tur thlir vel chang hian,

Thinlaiah i thar leh thin, Mampui lungrun;

Nang zawng hlimte'n hmangaih tang nem belin

Hlim lai ni chen zel e, tu dang ngai lo te'n.

Kan run i rawn lawi chang nite,

Mitthlaa'n a cham reng thin asin, lungrun;

I chunnu lung ka dum zo ve si lo,

Ka chan tawk khuanu'n rel ve tak ang i maw?