Vawng dun zel ang

Phuahtu: Siamsiami Chawngthu

Satu: Kima Chhangte

Hmanah chuan tudang ngai lo tea hlimtein,

Hawilo par thliak kan len dun laite kha;

Tunah zawng mual an liam ka dang zo mawlh si lo,

Min nghilh lul suh aw, ka di duhlai.

Lengdang va pawm ta la, engtin nge ka tuar ang?

Thinlai Zo chhum iang hian maw a ral zel si;

Enga'n khuanu paw'n hetiang tura min duan le?

Tlangrel sawi ka phur i zun ngaih vang hian.

Pawmlai nei reng chung siin ka thinlung hian,

Kiansan leh zai che a rel thei lo;

Nghilh bik suh ang che aw, kan tiamthu di zawngte,

Rinawmtein lo awm ang che aw, ka di duhlai.

Beiseina thamral mai tur ka dawn ngam lo,

I tel lo hriangnun zawng ka tuara'n a na lua e;

Theih nise runhmunah lendun zai relin,

Kumtluang par thliah dun ka nuam ngei e.

Khuareiin a hril mahna tiin ka nghak thin,

Mahse, engmah lo mai an lo ni leh thin;

Theih nise puah lo run ina cheng dunin,

Fanau mal tluan chawiin lengdun ila.