Lalpa min hruai dan

Phuahtu: Chawngi Pachuau

Satu: Champhai Hospital Veng Kohhran Pavalai Pawl

Thlaphang leh lungngaia ka rum laiin,

Ka lei nun ral mai se ka ti thin;

Mahse, Lalpa hmangaihna aw nem chuan,

Duattein min lo sawm reng si.

A mak em, Lalpa min hruai dan hi,

Thihna hlim kawr ruam ka zawh lai pawhin;

Min thlamuan, min chelh reng mihring hriatthiam rual lohvin,

Ka hringnun thukruin van thlamuanna min pe.

A rorel dan rual loh lo thleng thin hi,

Engkim neitu dilin hrilhfiahtu;

Thihna leh lungngaihna lo thleng zawng pawh,

A van malsawmna a lo ni.

Ka Lalpa hun bi chhiar danah chuanin,

Mihring duhthlan dan a ni love;

Awm lo ata awma min dintu chuan,

Thil tha lo min ruat sak ngai lo.

Tunah zin kawng khawhar zawh mah i la,

Ka Lalpan min la hruai ve ang a;

Chutih hunah chuan kan hmangaihte nen,

Hmangaihtu fakin kan zai ang.