Lungngaih mittui a hul ang

Phuahtu: K Laldamsii W/o Upa H Rohluna

Thluk siamtu: Ramdina

Satu: Pensy B Lalthangliani

Piallei thuah riat hnuaia zal zuapa,

Nang ngaihlai reng hi bangin ka mawi nem maw!

Lalrilah i cham reng thin nghilhni awm lo,

I ngai hian luaithli ka nul reng thin.

I thai leh i hraichawi leng zawngte hian,

Zua tel lo chuan hringchan kan zuam nem le;

Sakruang kimtlang i sulhnu zawngte hi,

Thlir lai kan bang thei lo, lo kir leh mai rawh.

Chutah, lungngaih mittui a hul ang,

Lungngaia inthenna reng a awm tawh ngai lo'ng e;

Chu khawpui mawi leh nuam takah chuan,

Engtikah tak thleng ve ang i maw?

I ngai reng renga hringnun hman reng zawng,

Zuapa, engtin lo ngai ve ang che maw?

Nun hlui liam hnu dawnkir chang hian maw,

Tahna titamtu mai lo ni e.

Kumpui sul tam pawh liam mahsela,

Nang ngaih lai reng kan bang thei lo'ng e;

Kan thinlai ril berah i cham reng si.

Kirzai reng rel lo maw hlimtein,

Angel var nen laitual in leng si maw?

Thlen hlan ka nghakhlel i lenna ram chu,

Angel var nen suihlung in rualna chu.