Mahriak lungdam nan

Satu: Lalthansanga Ralte

Mahten tinkim dawnin,

Nun hlu zamual liam hnu;

Nau ang kan nuih lai ni zawng kha,

Zamual a liam zo ta.

Aw, min han dawn ve thin la,

A riang val ka chan hi;

Min hnemtu an awm lo,

Nang lo chu, aw, phu loh Thapui.

Tleitir lenghermawii,

Ka tawng lo van hnuaiah;

Min hliah lo la vanrang chhumpui,

Ka di lenna tlang saw.

Mahriaka lungdam nan,

Ka fang kan sul i hnu;

Aw, khawia'n nge i sakhmelmawi,

Tawn ni awm ve si lo.

Par ang ka lawm ve nan,

Tur ni her chhuak leh se;

Run hmuna kan len dun hun chuan,

Lawm zawng a kim tawh ang.