Pialralah tal

Satu: Lalthansanga Ralte

Ka duhlai Tuaite,

Min dawn lo reng hian maw;

Hmangaihna nunrawng a lo ni zawk,

Chun leh zua har vang em ni?

Engan nge min hrilh loh?

Kan sul i hnu fan changin,

Kawptea kan lenna;

Thinlaia'n a thar leh si thin a,

Ka dam lai ni a tlak hma hi chuan,

Nang ngaib lai hi bang ang maw.

I then leh rualte,

Thiam zir turin an liam e;

Nang tawn beisei vangin,

Ka lo hmuak che lamtluangan,

Hrilh ka hai, aw, i tel ve si lo.

Duh ai leng ka sam thin,

An sawi pialral ram mawiah tal khian;

Intawkkhawma lawm hla kan rem hunah chuan e,

Hmangaihna hrui vuanin,

Kan leng dun tawh ang a.