Isua chauh ka beisei ang

Phuahtu: Matt Boswell & Matt Papa

Lettu: Upa David Lalremruata

Satu: BCM Ramzotlang Kohhran Zaipawl 2024-2025

Hringnun kawng chhuk chho kan zawh lai hian,

Fiahnate lo thleng ṭhinin;

Rinhlelh châng ni lo thleng ṭhin mah se,

Isua chauh ka beisei ang.

Hun leh ni ten hliâm chhâwk lo mah se,

Lâwmna mak tak mai chu ka nei;

Finna ril ber aia hlû a ni,

Isua chauh ka beiseina.

 Ka beiseina Lal Isua,

 Min rawn zawng chhuaktu chu;

 Ka innghahna, ka lungpui nghet,

 Isua chauh ka beisei ang.

Sualin min hliam châng awm mah sela,

Châuvin rûm ṭhin mah ila;

Beidawngin bansan ka tum love,

Isua chauh ka beisei ang.

Mualphona tuifâwnah pil dâwnin,

Mite'n min teh tling lo mah se;

Kalvari lam chauh chu thlîr tlatin,

Isua chauh ka beiseina.

Nang phatsan turin min thlêm mah se,

Ka beiseina nangmah chauh;

Hringnun ropuina min tiam mah se,

Isu, nang chauh ka beisei.

He ka hringnun pêng bo fo ṭhin hi,

Khawngaihnain min hruai chhuak la;

Vân hmunah chibai ka bûk hma zawng,

Isua chauh ka beiseina.

(He hla hi sap hla 'I set my hope on Jesus' tih atanga lehlin a ni)