Tui ang ka nem e

Satu: Dinsanga

Zan tawnmang mai em lo ni, i hlimthla zawngte kha,

Kan kar biahthu di a thlawn mai an chang ang maw?

Lungdi, nang ngai a tah khua a sei, thinlai a na,

Chhai thar di tang belin i liam, puan ang min hnawl ta.

Lungrun, i tawna'n maw tui ang ka nem e,

Tang dang belh ni zawng a awm ngei ang, lungrun;

Ka theih tawkte zawng i hlim nan a tawk zo mawlh si lo.

Nun hlui chuai maian ka phal lo, mitthlaan a cham reng,

Nghilh thei hian ka ring lo thinlaian a cham reng,

Kan hlimthla zawngte kha,

Lungrun, tiang mai turan maw ni khuanun min lo duan le,

Min nghilh bik ka ring lo,

Hmangaihtu thinlung hi i haider zawk em ni le?

Zan tiang siar leh chung chhawrthlapui khian,

Kan tiam biahthu di an hai mawlh si lo;

Hmangaihna par tlana lengin duhthu kan sam a,

Hlim lai ni chuai tur ka dawn sei ngam mawlh lo,

Ka chelh lo'ng che, i hlimna chu va pawm mawlh rawh.

Nun hlui chuai maian ka phal lo, mitthlaan a cham reng,

Nghilh thei hian ka ring lo thinlaian a cham reng,

Kan hlimthla zawngte kha,

Lungrun, tiang mai turan maw ni khuanun min lo duan le,

Min nghilh bik ka ring lo,

Hmangaihtu thinlung hi i haider zawk em ni le?

Zan tawnmang mai em lo ni, i hlimthla zawngte kha,

Hliam hlui zawng a dam mawlh si lo,

Kiam ni a nei lo,

Lungdi, nang ngaia tah khua a sei, thinlai a na,

Chhai thar di belin i liam, puan ang min hnawl ta.