Duhthusam

Phuahtu: Benjamin Sum

Satu: Benjamin Sum

Luaithli nul reng an bâng thei lo,

Ram leh hnam hmangaih vangin;

An pawm lai di chu sam ang an ṭhen rih a ngai,

Eng dang reng an dâwn thei lo,

Dar ang tawn ni her leh se,

Fanau maltluan châwiin hai ang tar dun an nuam.

Kumpui sul a lo her leh ta,

Lenrualten hrailêng an awi e;

Bawihte, lo haw ve tawh la,

Luaithli ka nùl ban theih nan,

I anka nemin min hnèm la,

Kei lungmawl hi ka hlim ngei ang.

Lengdang khum lo mah ila,

Ka di te khan min hmangaih ber;

Tunah rih chuan e,mi ramah inthlahrun a na,

Chhel takin kan awm ang a,

Tawn leh ni her leh ngei ang,

Tiam thu hlen chhuak mi i ni ka ringhlel lo che.

Duh han sám ve thei ila,

Indona awm tawh lo se;

Mahni rûn ngeia let lehin,

Hmangaih ber te nen hlimtein,

Senlai nau ianga nui zain,

Buaina reng reng hi awm tawh mawlh suh se.