by Phuahtu: Philip Lalremruata
Satu: The Radio
Valmawi, i zun ngaih hi a na ngei,
Kei ang a riang tleitir tan hian;
Nang vei nana ka hun hmante,
Chhiar sen reng a ni tawh lo'ng e,
Ka dawn lungruk ka hrilh nang che.
Thinlai ril i fan ngei e,
Tluktu reng i nei lo ve;
"Ka di, ka di" tia koh che ka nuam,
Mahse, ka tana khuanu ruat i ni si lo,
Chan tawka lungawi a har ngei e,
Ka duh aisam zawng hi tak ram chang se,
Ka ta i ni ve thei mahna.
Kei ang renga nang atchilhtu,
I tawng lo'ng e he lei chinah;
Karah hmelmate hrang mahse,
Ka hmangaihna an sawi nghing lo'ng,
Ti hian zaiin ka awi nang che.
Ka tan hian i mawi ber e,
Min han chhang let ve mai la;
Suangtuahna mai chang tur chuan,
Ka phal thei lo che, bawihte.
Khuavel zawng pawh hian lo hre rawh se,
Ka hmangaih zia che hi.
0 comments: