Hmangaih zuapa

Phuahtu: K Lalmawii

Thluk siamtu: R Lalremmawii

Satu: Zoramchhani

Hun leh niten liampui thei se fam ngaia suihlunglen hi,

Leng zawngten sel lo u, a na a ni, zuapa ngai hi;

Kei zawng ka thamral mai awm e, 

Chhantu Lal nunnem, min pui rawh, ka ngai a che.

Hrilin sawi thiam teh reng ila aw,

Hmangaih Zuapa nih i tling hi;

I u leh nau tlang tin mual tin a mi muantu i nih hi,

Mahse, lung kan mawl lua, kan hril thiam si lo,

I sulhnu tinreng tahna an chang maw?

Lal rawng i bawlpui chhaktiang mi, aw, hmun tin, kil tin a mi,

Ram tana i thawhpui lenrual tlang tina leng zawngten,

An ngaih che min hlan bang lo ve,

Hria la damtein anka nem i chhawn tur.

Tinkim ka dawn ngam lo Zuapa, i sulhnu leh hringnun zia,

Kan ngaisang, kan sawi bang thei lo'ng hring kan chan chhung zawngin;

I hlimthla biak leh chhang si lo,

Tapa tlai nilen a awl, kan riang mang e.

Run in kil tin ka hawi vel a, i hlimthla maw kan chan tawk?

Tapin kan au ding zo si lo che, aw, a na ngei e;

Hrilh kan hai ngei, lo kir leh rawh,

I tum si lo chung khuanu hun ruat pelh chu.

Chung khuanu zarah rauthla tal tawng lehin biak ka nuam e,

I hrailengten run sang belin muantu an ngai a sin;

I hlimthla thlirin an au che, 

Biangah mittui luang nen, hnemtu an ngai a sin.