Kan ngai a che

Phuahtu: Madinmawia

Satu: Zoramchhani

Khuarei pawn fam ngaih a bang chuang lo, 

Kan hrai bungdawntuai kan ngai em mai;

A sulhnu chhuiin kan biangah hian, 

Dan rual loh chhingmittui far e. 

Zankhua tlai hrai tin lengte chuan, 

Hlimten run in chhungah an nui za;

Kan lawmlai hraite khawian nge maw?

Thlehnem puan min ban zawk em ni!

Hrilh kan hai, lunglam kan vai, 

I chun leh zua, unau zawngte hi;

A na, fam min chansan hi, 

Chhungkimte a dar ang kan len lai, 

Kan ngai em, kan ngai a che. 

I hlimthla kan thlir kir chang hian, 

Lairil hi min fan, a na vawng vawng;

Khuarelah lungawi a har lua e, 

I hlimthla kan thlir bang thei lo. 

Nang chu hlimten Pa ang chhungah, 

Riah run min belhsan vangkhawpuiah, 

Kan in tawh leh ni herchhuak thuai se, 

Hlimten min lo kuangkuah ang che.