Ka chhar ve ta

Phuahtu: R Lalremruata (Parema)

Satu: Joy Zairemmawia

He ka khualzin kawng ka zawh lai hian,

Harsat, buaina, natnaten min bawmin;

Beidawngin ka rum fo thin,

Khawvel thlamuantu ka hmu si lo.

Ka chhar ve ta, thian tha ber Isua,

Ka kiangah a awm reng, englai pawhin;

Ka thinlung chhungah a cheng reng,

Min phatsan ngai dawn si lo.

Lalpa, ka tan hian i va hlu em,

Ka tlin lohna zawngah min hliahkhuh a;

Mawia min lan tir thintu,

Ka ngai em che, ka hmangaih che Isu.

I kiang lo va awm ka zuam mawlh lo,

Ka damna, hlimna, muanna i ni si;

Nang hnaih zel che hi ka duh,

Ka thlang ber che khawvel mawina aiin.