Van kawtthler

Phuahtu: Lalthlanawma

Satu: Lalthlanawma

Van kawtthler ka thlen hun chuan,

Beramno thisen vangin;

"Hetah i tan hmun a awm e" tiin,

Lal Isua puan hmawrah mittui zawng a luang ang a,

"Ka Pa, i hnen ka lo thleng ta" tiin.

Lungduh kal hmasate chuan,

Lei nun reng hi ngai lo vin;

Van nun an tem lawk famkim dawn si a,

Lungngaia kaikunin hmalam par har thin mah se,

Van khawpui fak zai ri chu zawm zawk ang che.

Thiante ngaiin i tap thin maw?

An hlimthla i chhui kir a;

Kohkir leh theih chang se i dil a,

Thian tha zawk Isua kiangah inhauh buai awm tawh lo vin,

Hlim takin an leng tawh dawn a sin.

Fam ngaih lawmnain thlak se,

I thinlaina hlimnain thlak se;

Vana an fak Beramno chu leiah hian fak pui ve la.

Van kawtthler ka thlen hun chuan,

Beramno thisen vangin;

"Hetah i tan hmun a awm e" tiin,

Lal Isua puan hmawrah mittui zawng a luang ang a,

"Ka Pa, i hnen ka lo thleng ta" tiin,

"Ka Pa, i hnen ka lo thleng ta e."