Kan ram a dam ngei ang

Phuahtu: Vanlalsailova

Satu: Vanlalsailova

Rawlthar tuaite ka ni a, ka ram thlaphang rawl ka hria a,

Chhan leh fuih ngaia a awm chu tang fan fan turin ka au va;

Mah se, fuihna thuin a dam lo, hliamtu an pung zel si a,

A mak ngei e, hliamtu chu a hrinfa ngei kan lo ni.

Tawngkam leh hla mai zawng a tawk lo,

I ram chhana dai theu tawh tur hian;

Vengtuten khawvar an nghak ang mai hian,

I ram hian a nghak reng che a sin,

Dikna leh rinawmna hmang la, kan ram a dam ngei ang.

Roreltu leh thawktuten chunglamin min hmuh tih hria la,

Sa leh ral kan do tawh lo'ng e, eiruk i do tawh zawk ang;

Rethei, pachhia leh chanhaite hnenah an chanvo chu pe la,

An thinlungah thlamuanna, huaisenna an neih theih nan.

Huai takin zam lo vin penchhuak rawh le,

I ramin a au che, tho chhuak rawh le...

Tawngkam leh hla mai zawng a tawk lo,

I ram chhana dai theu tawh tur hian;

Vengtuten khawvar an nghak ang mai hian,

I ram hian a nghak reng che a sin,

Dikna leh rinawmna hmang la, kan ram a dam ngei ang,

Ram rorelnaah Isua a tel ve duh e.