Si-a nen

Phuahtu: Ben Opa

Satu: Ben Opa & Esther Hnamte

(Sihal i ni sia, Si-a ka ti mai ang che aw)

Rianghlei naufa hnehna hlado chham hun nghakhlel reng reng hianin,

Ka thlir thlir thin sahrang leh ral hmaah lawi ang ka thang ve hun tur;

Khuangruahpui lo hrang chuan zinkawnga danglam min thlen tir e,

Kan vangkhua a ni ta si lo, khawi kawng nge maw ka zawh dawn le?

Si-a, Si-a nen tum ram panin kan kal zel e,

Hriat loh chhingkhual tawkin nun ram an chau, kan chhawk e,

Ka nghakhlel mang e, kan chhuahtlang lungrawnah,

Chutin hlim leh lawma chawnban vuanin,

Ka nghakhlel mang e, kan chhuahtlang lungrawnah,

Chutin hlim leh lawma chawnban vuanin.

Zinkawng hma danglam zawng a lo ni ngei e,

Han dawn hianin hmasang an sawi nin loh;

Chhura leh Mauruangi leh mi hrang dangte nen,

Harsat leh lungngaih, hrehawmnaahte kan inpui tawn,

Phei lai kan vawr zel e, ka thian ka neihchhun Si-a nen chuan.

Sakhming dai tawh lo tur sulhnu hnutchhiah turin,

Ka thlen chinah hian beidawng lovin,

Ka thil tum chu ka hlen ngei ang.