Ka ta ni lo tur

Phuahtu: Lilzo

Satu: Lilzo

Ka ta ni lo tura ka ngaihtuah chang hianin,

Lui dunga lungpui ang mai hianin,

Chakna ka nei lo, chet zai ka rel lo,

Mitmeng mawi tak leh nunze mawi tak nei,

Ka lo thlang hi a pawi lo, an awm lo.

Ka ta ni tura ka ngaih hi a ni ngai dawn lo,

A biangah piai ka chak ngei,

Ka duhna a zual zel nitinin,

I vul ni tawpin chuai mah se,

I tan ka awm reng tih hria la,

Rose pawh a vul reng lo tih hria la,

Hriat tumin ka zawng thin nitin,

I nui hmel phena thuruk kha,

I thinlung rum ri chuanin

Ka thinlung hi a chhun si a.

Ka ta ni lo tura ka ngaihtuah chang hianin,

Lui dunga lungpui ang mai hianin,

Chakna ka nei lo, chet zai ka rel lo,

Mitmeng mawi tak leh nunze mawi tak nei,

Ka lo thlang hi a pawi lo, an awm lo.

I hming pu mi tam tak an awm,

Nang tluka inhmeh an awm si lo,

Ka tangah bei la, vawn loha chawi che ka tum lo,

Inveng rawh aw, fak derna aw,

Ka bem ve tho a lawm,

A la inpeih hrih lo pawh aniang e,

Bawmrang chhunga tui thun tum ang,

I ninawm em mai min ti lo la,

Ka thinlung i luah tlat vang zawk a lawm le.

Ka ta ni lo tura ka ngaihtuah chang hianin,

Lui dunga lungpui ang mai hianin,

Chakna ka nei lo, chet zai ka rel lo,

Mitmeng mawi tak leh nunze mawi tak nei,

Ka lo thlang hi a pawi lo, an awm lo.

Min kai la, kai dun ang aw bung thar,

Hre hmasatu ni i la, i chanchinthar,

Min hnar phal hi ka ring lo,

I tan a far tam zia i hriat hunah ka mittui,

Min kuah paha i tah nuih hun,

Nghakhlelin ka lo nghak,

Nghaktu tan a rei thin,

I thlak hun i rilru,

Tawk lo vang ka hmuh tawh hnu tiin,

A duh chu nei se a pawi lo,

Ka tih phenah hian i tel lo va,

Hringnun hman zawng a kim lo,

Beiseina hi engtikah nge a beidawn ang le?

Ka ta ni lo tura ka ngaihtuah chang hianin,

Lui dunga lungpui ang mai hianin,

Chakna ka nei lo, chet zai ka rel lo,

Mitmeng mawi tak leh nunze mawi tak nei,

Ka lo thlang hi a pawi lo, an awm lo.