Min hual reng thin

Lettu: Amtea

Satu: Zorinsanga Sailo

Ka dinna lei hi a lo ral a,  a lo chhiat vek hunin,

Ka khawvelte hi a lo thim hunah, ka khaw hmuhna a bo vin,

Ka hmangaih ka lenrual, chhungte hian hnutiang min chhawn hunin,

Hei hi min hriat chhuah tir leh thin.

Harsatna karah hian ka dinna nang i ni,

Indona karah hian ka thla i veng;

Ka dinnghetna i ni e, buaina karah hian,

I hmangaihnain min hual reng thin.

Ka beiseina zawng a lo kiana rinna a bo niin,

Ka lo duan lawk thin hlimnaten kian zai an rel hunin,

Lungngaihna mittui leh natnain min bual niin,

Isua hmingin chawlhna ka hmu.

Chan reng nei lo va hringnun kawng zawha engkim ka chan niin,

Ka theihtawp chhuaha hlauhna karah manganga ka rum laiin,

Thihna thimin thla a lo zar a ka hmangaihte an liamin,

Ka rinchhan ber chu i ni, ka ring a che.