Juliet Bawihte

Satu: H Lalthakima

Turni pui pawh thlangtiangan

Mawiten a her liam leh ta;

Enga'n nge ka hriat reng a?

Enga'n nge ka nghilh theih loh?

Engah nge khuanu pawh hian,

Min hrilh nawn, min hriat tir le?

Ka hmangaih Juliet bawihte, 

Suihlung zawng lo phang lo la;

Rinawmna vawng zel ang aw,

Runhmunah kan len ve nan.

Kumpuisul her liam turin,

Tuanna tlang min dan ni khan;

Nghilh lohna ngaihhrui thi leh,

Luaithli nula min thlah kha,

Thinlaia'n a cham reng aw,

Nghilh thei hian ka mawi si lo.

Thaleng dang sirah hnawl a,

Hmangaiha min thlir thintu;

Biah rema runhmun len nan,

Hun leh thar i nghak ang aw,

Tu dang reng ka ngai bik lo'ng,

Piallei chung thang van hnuaia'n.