Thlawi nelawm

Phuahtu: Lalhmingsanga Ralte 

Satu: H Lalrinngheta

Ti hian ka dawn thin a ka thinlaia'n,

I nun mawi, pian zeina ka hril zel dawn;

I sakhming koh nan pawh ka vuah nang che,

'Thlawi nelawm' tiin ka koh che hi.

Thlawi nelawm, i zun leng zam a na ngei e,

I zun leng zam ka phur zo si lo;

A tawrh thiam dan chu nangmahah hian a innghat si,

Min dawn ve ang che aw, Thlawi nelawm.

Lanu lengte khumtu thlawi mah la,

Ka thinlaian lanu i khum zo ngei;

Zaleng tinte pawh hian a thlawi vang hian,

Sel suh u, ka tan chuan a pawi chuang lo.

Zaleng tinte pawh hian i nelawm zia,

An hril seng lo asin ka kiangah hian;

In run in sumtual kan thlir chang hian,

Kan ngai thin che asin, Thlawi nelawm.