A chiang zual thin

Phuahtu: Dr. Isaac Ramnunsiama

Satu: Satei Ralsun

Mangang leh tanpui ngaia ka awmin,

Tanpui vartu khawiah nge ka ti thin;

A kut chakin min chelh a, tuifawn ata min la chhuak,

A thiltihtheihna ka hmuh a chiang zual thin.

Ka inhumhimna leh ka chakna,

Mangan laia tanpuitu;

Ka hnena awm Pathian a ni,

Ka inhumhimna leh ka chakna.

Khawvel hi lo danglamin buai mah se,

Tlangte tuifinriat chhungah insawn se;

Tuipui fawn leh lirnghingten ka kawng min dal thin mah se,

A thiltihtheihna ka hmuh a chiang zual thin.

Jakoba Pathian chu kulhbing sang,

Sipaihote Lalpa kan hnenah awm;

Pathian kan hnena awm chuan min awmpui thin nitin,

A thiltihtheihna ka hmuh a chiang zual thin.