Van in

Phuahtu: Jonathan Lianhna

Satu: Lalduhsaki

Hmangaihna lo thil dang a awm tawh lohna hmun,

Lawm vanga hlimna khawpui mawi chu;

Mi bawlhhlawh berte pawh an thianghlimna hmunah chuan,

Kei ang mi sual ngaihdam hi Isuan min lo lawm ang.

Van in khi ka la thleng ve ngei ang a,

Ka lungngaih leh hrehawmnate sawi theiin ka inring lo;

Lawm vangin mittui tam tak a luan zawk ka ring thin e,

Kei ve mai hian van taksa nen Lalpa ka fak tur hi,

Ka dawn nawn hian thinlung a muang leh thin.

Ka thlakhlelh ber mai chu Lalpa hmangaihna hi,

He leia kan tem ang chauh lo hian;

A fiah vek tawh ang a, a famkim tawh ang a,

Chu hmun ka thlen hmun chuan maw ka fiah ve tawh ang a.

Ka dawn thin vanram khi, ka dawn nawn leh fo thin,

A nawm chhan ber tur ka ngaihtuah hian;

Mi sual ngaihdam tam takten Lalpa kan fak tur hi,

A thawm thangkhawk rimawi pawn van khi a chawi ngei ang.