Dite thenni

Satu: Lalsangzuali Sailo, Lalrinmawii London

Aw, ka dawn ngam lo sam ang then hi,

Ka thinlai chhum ang a zing riai e;

A na a ni, ka tuar hi Dite,

Van a duai e, khua hmuna len loh chu.

A cham rei dawn ngei e lungrukah,

Nghilh bik hian ka ring lo che inthen hi;

A na a ni, ka han dawn vel hian,

I dawn ve em Dite, sam ang then hi?

Chhawrthlapui a lo eng leh ang a,

Engtin nge lunglen ka tuar ang le?

Tu dang ngai lo va hlim lai nite,

Mual liam mah se, a cham si thinlaiah.

Duhlai lenmawi, thinlai hnem thintu,

Aw, ka va han ngai vawng vawng che;

Lenna tlangte chu dang rih mah se,

I vawng zel ang aw, tiamthu di, Dite.