I khawngaih ve lo em ni?

Phuahtu: Laldana

Satu:  Lalrinmawii (London), F Zothanmawii, Zirtluangpuii

Pawmlai pawh nghilhin sawi tam tlang rel karah,

Nang hi ka lo bel thin che;

Duh luat vang hian lung lam ka lo vai zo ta a,

I dawn lungruk pawh hre chiang lo vin.

I lungdum loh di kei vang hian e,

Tlang rel phur ngam lo mah la;

Ti em a i zunzama uai tur hi,

I khawngawih ve lo em ni?

Lungkham buai zual chang ni hian ka ngai zual thin che,

I kianga awm hi ka ning lo;

Mah se, nang chuan sawi tam tlang rel dawnin,

Sirah min lo hnawl si a.

Hmangaihna chhingmitdel, tum tawk thliar thiam lo hi,

I zunin min bawih si maw?

A thlawn mai tur paw'n e, ka hmangaih zel nang che,

Eng mah reng ka phut lo'ng che.

(He hla phuahtu Pu Laldana hian hetiang hian YouTube lamah a comment a:
He hla ka phuahna nula hian, kum naupang tein he khawvel hi a chhuahsan a. He hla ka phuah hi a hre hman ta em aw....tiin vawiin thleng hian ka thinlungin a la zawt reng a. Chuvang chuan...chu zawhna chhanna hre thei tur chuan , eng tikah emaw, khawiah emaw, vawi khat tal kan inhmuh leh ngei a ngai ang.)