Home » » Samari Mitha

Samari Mitha

Satu: R. Lalruatfeli (Mapuii)

Kan khualzinna khawvel ah hian
Suamhmang tawk tu an tam e;
Hmangaihtu leh khawngaihtu tur
An mamawh Samari mitha.

Samari mitha ngilnei zaidam,
Tanpuingai te tanpuitu;
Samari mitha khawngaihtu ang khan,
Nang pawh chu ang chuan ti ve rawh.

Tutenge ni suamhmang tawk chu?
Setana phuar mek te hi;
Chhanchhuak tu tur an ngai a ni,
An mamawh Samari mitha.

Ei leh in leh silh leh fen tur,
Thlachham lova i neih lai hian;
Mitam tak ten an nei ve lo,
An mamawh Samari mitha.

Khawi hmun a awmpawh nila,
Samari mitha ang hian;
Tanpuingai te tanpui thin tu,
I ni thei Samari mitha.


Share this article :

0 comments:

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ