Tlawmve lo Lalnu Ropuiliani

Phuahtu: Lalsangzuali Sailo

Hmartiang ngurpui hraichawi dawntuai vangkhaw mawiin,
Chhimtiang rengpui chhuihthang Vanpui lal nuthaia'n;
A lo lawi e, ni leh thla kara leng lanu,
Khuanu samsuihin an leng e, chhimtlang mawiin.

A tlawm ve lo Ropuiliani, sappui tawnah,
A zam ngai lo pheisen darfeng doral hmaah;
Thlangkawr vaiah anpai jail run nghaka fam hnu,
Kan chawi zel dawn a sakhmingmawi Ropuiliani.

Kum za hlei sulin a liampui rengtin chhing zo tu,
Sappui mi ril thaikawi zia tial amawi tin ngei;
Laisuih tuah rem khawnge thiamsang  Zofa leng te?
Mihrang ram chhan Lalnu ropui a vul leh ta.

Ngurzawng saiin vailian tawna'n ding zo awm lo,
An hran a na, tlangtin khuatin tui ang nem zo;
An hrilh laldang Lungliani zawng a nem ngai lo,
Hrenthir an ban ta maw, lungduh hnutiang chhawnin.

Famchan a huam anpai bawiha kuna ai chuan,
Thingserh sata lam ang let lo hnam martar kha;
Chawimawi nopui i hlan ang u, thang leh thar hian,
A ram leh hnam tarpuiin a fam pui ta e.