by
Phuahtu: Lalsangzuali Sailo
Hmartiang ngurpui hraichawi dawntuai vangkhaw mawiin,
Chhimtiang rengpui chhuihthang valpui lal nuthaia'n;
A lo lawi e, ni leh thla kara leng lanu,
Khuanu samsuih in an leng e, chhimtlang mawiin.
A tlawm ve lo Ropuiliani, sappui tawnah,
A zam ngai lo pheisen darfeng doral hmaah;
Thlangkawr vaiah anpai jail run nghaka fam hnu,
Kan chawi zel dawn a sakhmingmawi Ropuiliani.
Kum za hlei sulin a liampui rengtin chhing zo tu,
Sappui miril thaikawi zia tial amawi tin ngei;
Laisuih tuah rem khawnge thiamsang Zofa leng te?
Mihrang ram chhan Lalnu ropui a vul leh ta.
Ngurzawng saiin vailian tawna'n ding zo awm lo,
An hran ana, tlangtin khuatin tui ang nem zo;
An hrilh laldang Lungliani zawng a nem ngai lo,
Hrenthir an ban ta maw lungduh hnutiang chhawnin.
Famchan a huam anpai bawiha kuna ai chuan,
Thingserh sata lam ang letlo hnam martar kha;
Chawimawi nopui i hlan ang u, thang leh thar hian,
A ram leh hnam tarpuiin a fam pui ta e.
Hmartiang ngurpui hraichawi dawntuai vangkhaw mawiin,
Chhimtiang rengpui chhuihthang valpui lal nuthaia'n;
A lo lawi e, ni leh thla kara leng lanu,
Khuanu samsuih in an leng e, chhimtlang mawiin.
A tlawm ve lo Ropuiliani, sappui tawnah,
A zam ngai lo pheisen darfeng doral hmaah;
Thlangkawr vaiah anpai jail run nghaka fam hnu,
Kan chawi zel dawn a sakhmingmawi Ropuiliani.
Kum za hlei sulin a liampui rengtin chhing zo tu,
Sappui miril thaikawi zia tial amawi tin ngei;
Laisuih tuah rem khawnge thiamsang Zofa leng te?
Mihrang ram chhan Lalnu ropui a vul leh ta.
Ngurzawng saiin vailian tawna'n ding zo awm lo,
An hran ana, tlangtin khuatin tui ang nem zo;
An hrilh laldang Lungliani zawng a nem ngai lo,
Hrenthir an ban ta maw lungduh hnutiang chhawnin.
Famchan a huam anpai bawiha kuna ai chuan,
Thingserh sata lam ang letlo hnam martar kha;
Chawimawi nopui i hlan ang u, thang leh thar hian,
A ram leh hnam tarpuiin a fam pui ta e.
Chang khatna, tlar khatna a'n sa sual a(h)! :)
ReplyDeleteChang khatna, tlar khatna a'n sa sual a(h)! :)
ReplyDeleteChang khatna, tlar khatna a'n sa sual a(h)! :)
ReplyDelete'Valpui lal', tih ni lovin Vanpui lal tih a ni zawk lo maw
ReplyDelete